متولی شرعی حرم امام حسین علیہ السلام نے بصرہ میں کینسر ہسپتال کا افتتاح کر دیا ہے

یوم ولادت حضرت امام رضا علیہ السلام کی مناسبت سے متولی شرعی شیخ عبد المہدی الکربلائی حفظہ اللہ نے مختلف شعبہ ہائے زندگی سے تعلق رکھنے والی شخصیات کی موجودگی میں الثقلین ہسپتال کا افتتاح کیا۔

افتتاحی تقریب سے خطاب کرتے ہوئے متولی شرعی نے کہا کہ ایک سال تک ہر عمر کے مریضوں کے لئے علاج و معالجے کی سہولت مفت ہو گی ۔

 شیخ عبدالمہدی الکربلائی حفظہ اللہ نے کہا کہ

ان اداروں کے بنانے کا مقصد کوئی پیسہ کمانا نہیں ہے بلکہ ہم ان اداروں کے ذریعے عراقی عوام اور پسماندہ طبقے کی مدد کرنا چاہتے ہیں۔

 انہوں نے مزید کہا کہ ہم اسی فکر و وژن کے ساتھ اعلان کرتے ہیں کہ الثقلین ہسپتال میں کینسر کے ہر قسم کے مریضوں کا علاج ایک سال تک مفت ہوگا۔

ایک سال میں تمام عمر کے مریضوں کا علاج فری ہوگا چاہے بڑے ہوں یا چھوٹے۔

 تاہم ایک سال پورا ہونے کے بعد بھی یہ سہولت ہر عمر کے غریب کمزور اور محدود آمدنی والے خاندانوں کو میسر ہوگی تاکہ صحت کے بنیادی سہولیات سے یہ طبقہ محروم نہ ہو۔

 واضح رہے کہ بصرہ میں کینسر کے ٹیومر کے علاج کے لئے حرم امام حسین علیہ السلام کی جانب سے بنائے گئے الثقلین ہسپتال کو متولی شرعی علامہ شیخ مھدی کربلائی حفظہ اللہ کے حکم پر بہترین اور عالمی معیار کے جدید آلات سے لیس کیا گیا ہے تاکہ بہترین خدمات فراہم کی جاسکیں۔