کربلاء فوڈ اتھارٹی نے 24 ٹن زائد المیعاد اشیاء برآمد کر کے انہیں موقع پر ہی تلف کر دیا ہے۔

کربلاء ہیلتھ کنٹرول اینڈ فوڈ اتھارٹی کی ٹیموں نے صوبہ بھر کی مختلف مارکیٹوں میں چھاپے مار کر 24 ٹن زائد المیعاد اشیاء برآمد کیں۔

فوڈ اتھارٹی کے ڈائریکٹر جناب ڈاکٹر اصحاب صلاح موسوی نے انٹرنیشنل نیوز ایجنسی کو بتایا کہ محکمہ صحت اور انکے اہلکاروں نے مختلف ٹیمیں تشکیل دے کر صوبہ کربلاء میں مختلف مقامات پر چھاپے مارے اور 24 ٹن زائد المیعاد خشک راشن برآمد کرنے میں کامیاب ہوئے۔اس کے علاوہ (1,178) ہزار لیٹر مائع مواد جو مضر صحت اور نا قابل استعمال تھا ،اسکو بھی سرکاری تحویل میں لے کر مالکان اور میڈیا کے سامنے تلف کر دیا۔

 انہوں نے مزید کہا کہ مذکورہ محکمے کی ٹیموں نے معاونین کے ساتھ (764) انفرادی اور مشترکہ چھاپے مارے، جس کے نتیجے میں صحت کے اصولوں کی خلاف ورزی کرنے والے (26) سٹورز کو سیل کر دیاگیا، جبکہ خلاف ورزی کرنے والے(68) سٹورز کو جرمانے کیے گئے

 اور (1,657) سے زیادہ اشیاء کو چیک کیا گیا جبکہ (184) کھانے کے نمونوں کو لیبارٹری بھیجا اور 74 کو غیر تسلی بخش قرار دے دیا۔

واضح رہے محکمہ ہذا اس قسم کے چھاپے وقتا فوقتا مارتا رہتا ہے تاکہ ذخیرہ اندوزی کرنے والوں اور زائدالمیعاد اشیاء کو مارکیٹ میں رکھنے والوں کے خلاف موثر کارروائی کی جا سکے اور انہیں ان ممنوعہ کاروائیوں سے روکا جا سکے ۔

امیر الموسوی

ابو علی