جرمن ڈاکٹر سلطانی اور ان کے ہمراہ وفد نے کربلاء معلی میں روضہ مبارک حضرت امام حسین علیہ السلام اور حرم حسینی کے زیر انتظام چلنے والے انسانی فلاح و بہبود کے شعبہ صحت کے پروجیکٹس کادورہ کیا۔

انہوں نے عتبہ حسینہ کی طرف سے دی جانے والی خدمات کو سراہا۔

ڈاکٹر سلطانی نے کربلاء انٹرنیشنل نیوز ایجنسی سے بات کرتے ہوئے کہا کہ میں امام حسین علیہ السلام اور ان کے بھائی ابو الفضل العباس علیہما السلام کے روضہ پر حاضری دینے اور انسانیت کی فلاح و بہبود کے لئے حرم کی جانب سے صحت کے شعبے میں زائرین کو دی جانے والی خدمات کو قریب سے دیکھنے آیا ہوں۔

مزید برآں انہوں نے کہا کہ میں اس ہسپتال کے انتظامات سے متاثر ہوا ، جہاں میں نے جدید ترین آلات کے ساتھ مفت علاج کی سہولتوں کو دیکھا جو کہ یقینا انسانیت کی فلاح و بہبود اور غریب ہم وطنوں کے لے بہت بڑا اقدام ہے۔

انہوں نے مزید کہا کہ مجھے یقین ہے کہ میڈیکل کے حوالے سے عراق کا مستقبل روشن ہے۔ مجھے اس اسپتال کا دورہ کرکے بہت خوشی ہوئی کیونکہ یہ ہسپتال جرمن کے جدید طبی آلات سے لیس ہے لیکن اس سے بھی بڑھ کر خوشی کی بات یہ ہے کہ اس ہسپتال میں عراقی تجربہ کار ڈاکٹروں کی ٹیم کام کر رہی ہے ۔

انہوں نے حرم کی انتظامیہ کی طرف سے پرتپاک استقبال اور شاندار مہمان نوازی کو بھی سراہا اور شکریہ ادا کرتے ہوئے کہا کہ شعبہ تعلقات عامہ کی کوششوں سے اللہ تعالی نے مجھے 14 سال بعد دوبارہ سرزمین کربلاء آنے کی توفیق دی اور امام حسین علیہ السلام کی زیارت کا موقع ملا۔