حرم امام حسین علیہ السلام کے زیرانتظام چلنے والے بین الاقوامی ادارے مرکز اصحاب کساء نے امام عالی مقام علیہ السلام کے نام پر افریقہ کے بارہ ممالک میں پانچ سو سے زائد کنویں کھدوائے ہیں تاکہ پانی کی قلت کا مسئلہ حل ہو اور پینے کے لئے صاف پانی میسر ہو

مرکز کے ڈائریکٹرشیخ احمد راشد طرفی نے کہا کہ ان ممالک کے مکینوں کو پینے کے صاف پانی کی شدید ضرورت کے پیش نظر مرکزاصحاب کساء نے امام حسین علیہ السلام کے نام پر افریقہ کے مختلف مقامات پر پانی کے پانچ سو ستر کنویں کھدوائے ہیں۔ 

انہوں نے مزید کہا کہ مرکز اصحاب کساء ان ممالک میں انسانی فلاح وبہبود کے لئے مختلف فلاحی کام کررہا ہے، جن میں سے سر فہرست مستحقین میں راشن تقسیم کرنا، اس کے علاوہ یتیموں کی کفالت کرنا اور غریب و نادار لوگوں کی اجتماعی شادی کا اہتمام کرانا شامل ہے۔

اس کے ساتھ ساتھ دین مبین اسلام کو پھیلانے کے لئے مختلف کانفرنسوں کا انعقاد کرنا تاکہ تعلمات محمد وآل محمد علیہم السلام سے انکے دلوں کو منور کیا جا سکے تاکہ یہ گمراہی کو چھوڑ کر صحیح راستوں پر آ سکیں۔

2050 تک دنیا کے تقریباً 6 ارب افراد کو صاف پانی کی کمی کا خطرہ ہے، جس میں خاص طور پر جنوبی صحارا اورمشرق وسطیٰ کے خطے کو پانی کی شدید کمی کا سامنا ہوگا۔

آج دنیا کی تقریباً دو تہائی آبادی سال میں کم از کم ایک بار پانی کی شدید قلت کا سامنا کرتی ہے اور 2.3 بلین افراد پانی کی قلت کے شکار ممالک میں بستے ہیں،

جب کہ دو ارب لوگ، جو دنیا کی 26 فیصد آبادی کی نمائندگی کرتے ہیں، پینے کے صاف پانی کی سہولت سے محروم ہیں

ابرہیم العوینی

ابو علی