حرمِ امام حسین علیہ السلام کے زیر اہتمام استنبول میں قائم مرکزِ امام حسین علیہ السلام ثقافتی نے ترکی کے دینی و ثقافتی اداروں کے متعدد ذمہ داران کے ساتھ باہمی تعاون کو فروغ دینے کے امکانات پر تبادلۂ خیال کیا

مرکز کے ڈائریکٹر صباح طالقانی نے کہا ہم اپنے کام سے متعلق اداروں کے ذمہ داران کے ساتھ سلسلہ وار ملاقاتیں کر رہے ہیں۔ آج ہم نے افجلر کے علاقے میں اہل بیت ایسوسی ایشن کے سربراہ حاجی اسماعیل اصلان اور امام منتظر فاؤنڈیشن کے ڈائریکٹر شیخ عہد آجک سے ملاقات کی، جس میں ترک زائرین کی مقدس مقامات کی زیارت کو بہتر طور پر منظم کرنے کے طریقۂ کار پر گفتگو ہوئی۔ اس موقع پر یہ بھی زیرِ بحث آیا کہ عتبة حسینیہ زائرین کے لیے ویزا کے حصول میں سہولت فراہم کرے گی، جبکہ رہائش اور ٹرانسپورٹ جیسی خدمات بھی مہیا کی جائیں گی

انہوں نے مزید کہا ہم استنبول کی بعض اداروں کے ساتھ ایک مشترکہ لائحۂ عمل ترتیب دے رہے ہیں تاکہ آئمہ اطہارؑ کی مناسبتوں پر مختلف دینی و ثقافتی سرگرمیاں منعقد کی جا سکیں۔ اس اقدام کا مقصد تعاون کے راستے کو مزید مستحکم بنانا اور اخوت، فکری و انسانی شعور کو فروغ دینا ہے۔

دوسری جانب شیخ عہد آجک نے کہا ہم حرمِ امام حسین علیہ السلام کی جانب سے ترکی میں ثقافتی مرکز کے قیام کے اقدام کا بھرپور خیر مقدم کرتے ہیں، کیونکہ یہ اقدام ترکی کے عوام کے ساتھ عمومی طور پر اور اہل بیتؑ کے پیروکاروں کے ساتھ خصوصی طور پر رابطے کے تسلسل کے لیے نہایت اہم ہے۔ مزید برآں اس طرح کے تعاون اور رابطے کی سخت ضرورت ہے تاکہ عتباتِ مقدسہ کی زیارت کی اہمیت کو اجاگر کیا جا سکے۔ ہم نے یہ بھی مشاہدہ کیا ہے کہ گزشتہ چند برسوں میں ترک شہریوں کے زیارت کے سفر میں نمایاں اضافہ ہوا ہے۔