عراق کی وزیر مواصلات، ہیام الیاسری، نے کہا ہے کہ ملک تیزی سے ترقی کی راہ پر گامزن ہے اور ملکی معیشت کو فروغ دینے کے لیے ہم سب کو خلوص نیت سے کام کرنا ہوگا تاکہ عراق کو بین الاقوامی سطح پر مزید مستحکم کیا جا سکے

انہوں نے مزید کہا کہ عراق نے عالمی مواصلاتی گزرگاہ کے طور پر اپنی حیثیت کو مستحکم کرنے میں کامیابی حاصل کی ہے اور کئی بین الاقوامی کمپنیوں کو اپنی طرف متوجہ کیا ہے

الیاسری کے مطابق، طریق الحضارات منصوبے نے عراق میں انٹرنیٹ کی گنجائش 10 جی بی سے بڑھا کر 1800 جی بی سے زیادہ کر دی ہے

وزیر مواصلات نے کہا ہم نے حالیہ مختصر مدت میں عراقی گزرگاہ پر اعتماد بحال کرنے اور کئی بین الاقوامی کمپنیوں کو عراق میں سرمایہ کاری کے لیے راغب کرنے میں کامیابی حاصل کی ہے

انہوں نے مزید کہا کہ بہت سی عالمی کمپنیاں اپنی مواصلاتی راہداری کو عراق کے راستے سے گزارنے میں دلچسپی رکھتی ہیں

الیاسری نے وضاحت کی کہ چند ہی مہینوں میں، IQ کمپنی کے ساتھ 'طریق الحضارات' منصوبے کے ذریعے، جو ایک کامیاب منصوبہ ہے اور اعلیٰ معیار کی SLI فراہم کرتا ہے، ہم نے انٹرنیٹ کی گنجائش کو 10جی بی سے بڑھا کر 1800جی بی سے زیادہ کر دی ہے

انہوں نے مزید کہا ہم نے (Dark Fibre) حکمت عملی بھی نافذ کی ہے، جو عراق میں پہلی بار متعارف کرائی گئی ہے، اور خطے کے چند ہی ممالک اس پر عمل کر رہے ہیں

الیاسری نے مزید کہا کہ "یہ تمام کوششیں عراق کے جغرافیائی محل وقوع کو مؤثر بنانے کے لیے کی جا رہی ہیں"۔ انہوں نے زور دیا کہ "ہمارا مقصد ان اسٹریٹجک منصوبوں کے ذریعے نہ صرف آمدنی میں اضافہ کرنا ہے بلکہ ملکی سلامتی اور معیشت کو بھی مستحکم کرنا ہے۔