وزارتِ مہاجرت اور نقل مکانی نے اعلان کیا ہے کہ مہاجرین کی واپسی کے عمل کو تیز کرنے کے لیے کئی حوصلہ افزا پروگرام متعارف کروائے گئے ہیں۔

وزارت کے ترجمان علی عباس نے کہا کہ وزارت کو کئی اہم چیلنجز کا سامنا ہے، جن میں نقل مکانی کرنے والے مہاجرین کو دوبارہ اپنے علاقوں میں بسانا اور ان کی ضروریات کو پورا کرنا شامل ہے۔

انہوں نے کہا کہ مہاجرین کا مستحکم ہونا عراقی معاشرے پر سماجی، معاشی اور سیاسی طور پر اہم اثرات مرتب کرتا ہے۔

انہوں نے مزید بتایا کہ تقریباً 85 سے 90 فیصد مہاجرین اپنے علاقوں میں واپس آچکے ہیں، تاہم کچھ افراد نئے معاشروں میں رہنے کو ترجیح دے رہے ہیں جہاں وہ روزگار حاصل کر چکے ہیں اور نئے معاشرتی ڈھانچے میں شامل ہو چکے ہیں۔

ان افراد نے کربلا، نجف اشرف، اربیل، اور بغداد جیسے علاقوں میں کاروبار شروع کر کے نئی زندگی کا آغاز کیا ہے۔

وزارت کے ترجمان نے کہا کہ نقل مکانی کے علاقوں میں انضمام اور استحکام مسئلے کے حل کی جانب ایک مؤثر قدم ہے۔

ابو علی