حرم امام حسین علیہ السلام کے زیر انتظام چلنے والا خدیجہ الکبری (سلام اللہ علیہا) اسپتال برائے خواتین بچوں کے لیے ایک خصوصی اور انسان دوست سرجیکل کیمپ کا آغاز 6 ستمبر 2025 سے کر رہا ہے

یہ کیمپ ایک ماہ تک جاری رہے گا، جس کے دوران زائرین سمیت عراق کے تمام صوبوں سے تعلق رکھنے والے بچوں کے مختلف آپریشنز کیے جائیں گے۔ البتہ پلاسٹک سرجری اس پروگرام میں شامل نہیں ہوگی

اسپتال کی ڈائریکٹر ڈاکٹر بیداء ابراہیم سلمان نے اس موقع پر کہا کہ یہ اقدام حرم حسینی کے اُن فلاحی و طبی پروگراموں کا تسلسل ہے جو کم آمدنی والے خاندانوں کے بوجھ کو کم کرنے کے لیے شروع کیے گئے ہیں، خصوصاً موجودہ معاشی حالات میں۔ ان کا کہنا تھا کہ اس کا مقصد بچوں کو اعلیٰ طبی سہولتیں فراہم کرنا اور والدین کو ترغیب دینا ہے کہ وہ اخراجات کی وجہ سے ضروری آپریشنز میں تاخیر نہ کریں

انہوں نے مزید بتایا کہ یہ پروگرام پیدائشی اور بعد میں لاحق ہونے والی تمام بیماریوں اور پیچیدہ مسائل کا احاطہ کرے گا، جو پیدائش سے لے کر 12 سال تک کے بچوں کے لیے ہوگا۔ یہ سہولت 6 ستمبر 2025 سے ایک ماہ تک دستیاب رہے گی

اپنے بیان کے اختتام پر ڈاکٹر بیداء نے کہا کہ اسپتال کو ماہر طبی عملے اور جدید ترین آلات سے لیس کیا گیا ہے تاکہ بچوں کو بہترین خدمات اعلیٰ عالمی معیار کے مطابق فراہم کی جا سکیں۔ انہوں نے تمام صوبوں کے خاندانوں سے اپیل کی کہ وہ اس قیمتی موقع سے بھرپور فائدہ اٹھائیں