بین الاقوامی فوٹو اولمپک 2025 کے اختتامی مقابلوں میں 93 ممالک کی شرکت رہی، جن میں عراقی فوٹوگرافر حسنین الشرشاحی نے آبی نقل و حمل کے سیشن میں کانسی کا تمغہ حاصل کیا

الشرشاحی نے  کربلاء ٹوڈے نیوز ایجنسی  سے خصوصی گفتگو میں کہا میں نے روسی فیڈریشن میں منعقدہ فوٹو اولمپک 2025 کے اختتامی مقابلوں میں آبی نقل و حمل کے محور میں اپنے فوٹوگرافی کام بعنوان *کشتی* کے ذریعے کانسی کا تمغہ حاصل کیا۔ یہ میرے فوٹوگرافی کیریئر میں ایک نیا عالمی اعزاز ہے

انہوں نے مزید بتایا اس مقابلے میں 93 ممالک کے 1600 سے زائد فوٹوگرافرز نے حصہ لیا۔ تین مرحلوں پر مشتمل کوالیفائنگ راؤنڈ جنوری سے مئی 2025 تک جاری رہے، جن سے 33 ممالک کے 96 فوٹوگرافرز فائنل مرحلے کے لیے منتخب ہوئے۔ میرے لیے یہ اعزاز کی بات ہے کہ میں اس عظیم عالمی محفل میں فاتحین میں شامل ہوا

ان کا کہنا تھا ججز کمیٹی میں 25 ممالک کے 50 بین الاقوامی ماہرین شامل تھے، جنہوں نے تمام مراحل میں شریک کاموں کا جائزہ لیا اور فائنل تک نگرانی کی

الشرشاحی نے گفتگو کے اختتام پر کہا یہ کامیابی فوٹوگرافی کے میدان میں میری مسلسل محنت کا ثمر اور باعثِ فخر ہے۔ یہ اعزاز میں عراق کے نام کرتا ہوں، جو عرب اور عراق کی فوٹوگرافی کے لیے ایک سنگِ میل ہے