انٹرنیشنل میڈیا کے مطابق حرم امام حسین علیہ السلام کی ایمانی اورروحانی فضاؤں میں مومنین کی بہت بڑی تعداد نے رمضان المبارک کی آخری شب جمعہ خدا کے حضور عبادات ومناجات میں گزاری۔
رمضان المبارک کی آخری شب جمعہ کے لیے کربلا آنے والے زائرین اور مومنین تمام رات خدا کے حضور قیام وسجود میں مشغول رہے اور اس کی رحمتوں، نعمتوں اور بخششوں کو طلب کرتے رہے اور روضہ مبارک سید الشہداء حضرت امام حسین علیہ السلام اور حضرت عباس علیہ السلام میں یہ شب گزار نے کی سعادت اور افتخار حاصل کرتے رہے۔ اس موقع پر بین الحرمین  اور دونوں روضہ مبارک کے صحن ،سرداب کوریڈورز، میں مومنین کی بڑی نے آخری شب جمعہ شب بیداری میں گزار دی
اس موقع پر عتبات عالیات کی جانب سے مومنین اور زائرین کو بہترین خدمات اور سہولیات فراہم کرنے کے لیے تمام تر ممکنہ مادی و انسانی وسائل کو بروئے کار لاتے ہوئے وسیع پیمانے پر انتظامات کیے گئے تھے