قم المقدسہ: بین الاقوامی قرآنی تبلیغی مرکز اور مؤسسہ دلیل کے اشتراک سے مقدس شہر قم میں عالمی یومِ قرآن کی مناسبت سے ایک عظیم الشان بین الاقوامی قرآنی سمپوزیم کا انعقاد کیا گیا

یہ بابرکت اجتماع بعثتِ نبویؐ کی مناسبت سے منعقد ہوا، جس میں نامور قرآنی شخصیات، علمی ماہرین، محققین، دینی و سرکاری اداروں کے نمائندگان، قرآنی و تبلیغی مراکز کے سربراہان، حوزہ ہائے علمیہ کے علما اور یونیورسٹی کے اساتذہ نے شرکت کی

تقریب کا آغاز تلاوتِ قرآنِ مجید سے ہوا، جس کے بعد حرم امام حسینؑ کے سیکرٹری جنرل کے مشیر برائے قرآنی امور نے افتتاحی خطاب کیا۔ انہوں نے اس سمپوزیم کی اہمیت، اس کے بنیادی مقاصد اور عالمی یومِ قرآن کے انعقاد کے متوقع اثرات پر روشنی ڈالی

بین الاقوامی قرآنی تبلیغی مرکز کے عہدیدار منتظر المنصوری نے خطاب کرتے ہوئے کہا کہ اس سمپوزیم کا مقصد قرآنی محققین اور ماہرین کو ایک مضبوط علمی پلیٹ فارم فراہم کرنا ہے، تاکہ قرآن مجید کے آفاقی پیغام کو دنیا بھر میں عام کیا جا سکے۔ انہوں نے زور دیا کہ عالمی یومِ قرآن کے تعین کے معیارات، اس کے عملی نفاذ اور تحقیقی پہلوؤں پر مزید کام کرنے کی ضرورت ہے۔

سمپوزیم کے دوران "میعاد" نامی نعت و منقبت گروپ نے روح پرور کلام پیش کیا، جس نے سامعین کو روحانی کیف و سرور عطا کیا

اس کے علاوہ، حرم امام حسینؑ کی جانب سے خصوصی طور پر تیار کردہ قرآن مجید کے ایک منفرد نسخے کی بھی رونمائی کی گئی، جو اپنی انفرادی خصوصیات کے باعث ایک اہم علمی و تحقیقی کاوش قرار پایا

تقریب کے اختتام پر نمایاں قرآنی محققین، اساتذہ اور ماہرین کو ان کی علمی و تحقیقی خدمات کے اعتراف میں خصوصی اعزازات سے نوازا گیا۔ اس بابرکت اجتماع کا اختتام دعا اور قرآن کریم کے نورانی پیغام کو عام کرنے کے عزم کے ساتھ ہوا