عراق نے اسرائیل کی دھمکیوں کے جواب میں بین الاقوامی اور عرب فریقوں کو پیغام بھیج دیا ہے۔

ہفتے کے روز عراقی وزارت خارجہ نے سلامتی کونسل، اقوام متحدہ کے سیکرٹری جنرل، عرب لیگ اور اسلامی تعاون تنظیم کو اسرائیل کی جانب سے عراق پر حملے کی دھمکیوں کے جواب میں سرکاری طور پہ خطوط بھیج دیئے ہیں۔

وزارت نے اپنے پیغامات میں اس کی طرف سے جاری کردہ ایک بیان کے مطابق اس بات کی تصدیق کی ہے کہ عراق اپنے علاقائی اور بین الاقوامی ماحول میں استحکام کا ایک ستون ہے اور اقوام متحدہ کے چارٹر کے اصولوں پر سب سے زیادہ پابند ممالک میں سے ایک ملک ہے۔

عراقی وزارت خارجہ نے پیغامات میں اشارہ کیا کہ سلامتی کونسل کو اسرائیلی ادارے کا پیغام خطے میں تنازعات کو بڑھانے کے مقصد سے الزامات اور بہانے بنانے کی ایک منظم پالیسی کا حصہ ہے۔

وزارت نے اس بات پر زور دیا کہ سلامتی کونسل میں عراق کا سہارا بین الاقوامی امن اور سلامتی کو برقرار رکھنے میں کونسل کے اپنے کردار کو پورا کرنے کی خواہش سے نکلتا ہے اور غزہ کی پٹی اور لبنان میں اسرائیلی جارحیت کو روکنے کے لیے ضروری اقدامات کرنے کی ضرورت ہے اور اسرائیل کو خطے میں جاری تشدد کو روکنے اور دھمکیاں دینا بند کرنے کا پابند بنانا۔

وزارت نے اپنے بیان میں وضاحت کی کہ عراق کسی پڑوسی ملک کو نشانہ بنانے کے لیے اپنی فضائی حدود استعمال کرنے کے حوالے سے واضح موقف رکھتا ہے اور کسی کو اس بات کی اجازت نہیں دیتا۔

وزیر خارجہ نے ان کے جارحانہ رویوں کو روکنے کے لیے بین الاقوامی برادری کی مداخلت کی اہمیت پر زور دیا ہے۔

جارحیت بین الاقوامی قانون کےاصولوں کی صریح خلاف ورزی ہے۔

پیغامات میں اس بات کی بھی تصدیق کی کہ عراق خطے میں اسرائیل کی بڑھتی ہوئی کشیدگی کو روکنے اور بین الاقوامی قوانین اور کنونشنز کے احترام کو یقینی بنانے کے لیے مربوط بین الاقوامی کوششوں کا مطالبہ کرتا ہے۔

اس طرح خطے میں سلامتی اور استحکام کو بڑھانے میں مدد ملے گی۔

وزارت خارجہ کے بیان کے مطابق، عراق نے درخواست کی کہ اس خطے کے رکن ممالک تک پہنچایا جائے اور اسے ایک سرکاری دستاویزات کے طور پر متعلقہ اداروں کے پاس جمع کرایا جائے۔

مشھدی