امارات میں جینیاتی بیماریوں کی ایسوسی ایشن کے زیر اہتمام منعقدہ دوسری عراقی طبی کانفرنس میں حرم امام حسین علیہ السلام کے زیر انتظام مرکز ہادی برائے پٹھوں اور اعصاب کی بیماریوں نے شرکت کی

مرکز کے ڈائریکٹر ڈاکٹر صالح سلمان الجابری نے "کربلا ٹوڈے" سے بات کرتے ہوئے کہا کہ کانفرنس میں شرکت کا مقصد مرکز کی خدمات کو عالمی سطح پر اجاگر کرنا اور سائنسی شراکت داری کے نئے مواقع تلاش کرنا تھا۔ کانفرنس کے دوران مرکز کی جانب سے فراہم کی جانے والی اہم خدمات اور عتبہ مقدسہ کے صحت و طبی تعلیم کے ادارے کی پیش رفت پر ایک جامع پریزینٹیشن دی گئی

ڈاکٹر الجابری نے مزید بتایا کہ اس دورے کا ایک اہم حصہ "الجلیلہ چائلڈرن اسپتال" کا دورہ تھا، جہاں اسپتال کے عملے کے ساتھ جینیاتی تجزیات کے شعبے میں تعاون پر اتفاق کیا گیا۔ اس کے علاوہ، کانفرنس کے دوران متعدد ممتاز طبی ماہرین سے ملاقات کی گئی، جنہوں نے صحت اور طبی تعلیم کے ادارے میں شمولیت اور اپنے خصوصی شعبوں میں خدمات فراہم کرنے میں دلچسپی ظاہر کی

یہ کانفرنس نہ صرف ادارے کی خدمات کو عالمی سطح پر متعارف کرانے کا ایک اہم موقع ثابت ہوئی، بلکہ بین الاقوامی اداروں کے ساتھ سائنسی اور عملی تعاون کے امکانات کو مزید مستحکم کرنے میں بھی مددگار ثابت ہوئی

ابو علی