کربلاء کے مقدس روضہ امام حسین (علیہ السلام) نے حضرت زینب کبریٰ (سلام اللہ علیہا) کی عظیم سیرت اور ان کے بے مثال کردار کو اجاگر کرنے کے لیے "اللیالی الزینبیہ" فیسٹیول کے انعقاد کا اعلان کیا ہے

یہ خصوصی تقریب تل زینبیہ کے قریب منعقد کی جائے گی، جہاں تمام تیاریاں مکمل کر لی گئی ہیں

روضہ مقدسہ کے نظم و نسق کے سربراہ، رسول فضالہ، کے مطابق یہ فیسٹیول ماہ رجب کی 4، 5، اور 16 تاریخ کو منعقد ہوگا۔ ان بابرکت ایام میں مجالس عزا، قرآنی نشستیں، اور عزاداری کی دیگر تقریبات منعقد کی جائیں گی، جبکہ حضرت زینب (سلام اللہ علیہا) کی عظیم قربانیوں اور ان کے کردار کو خراج تحسین پیش کیا جائے گا

انہوں نے مزید بتایا کہ یوم وفات کی مناسبت سے کربلاء کے مقدس مقامات کو سوگ کی علامت کے طور پر سیاہ پرچموں اور بینرز سے سجایا گیا ہے۔ زائرین کی سہولت کے لیے نیاز اور دیگر انتظامات بھی مکمل کر لیے گئے ہیں

واضح رہے کہ حضرت زینب کبریٰ (سلام اللہ علیہا) کا یوم وفات 15 رجب کو منایا جاتا ہے۔ آپ رسول اکرم (صلی اللہ علیہ وآلہ وسلم) کے خاندان کی ایک ایسی عظیم ہستی ہیں، جنہوں نے کربلاء کے میدان میں بے مثال صبر و استقامت کا مظاہرہ کیا۔ آپ نے اپنے بھائی امام حسین (علیہ السلام)، بیٹوں، اور خاندان کے دیگر افراد کی قربانیوں کو برداشت کرتے ہوئے دین اسلام کی بقا کے لیے تاریخی کردار ادا کیا

کربلاء کے بعد حضرت زینب (سلام اللہ علیہا) نے نہ صرف عورتوں اور بچوں کی دیکھ بھال کی بلکہ یزید کے دربار میں جا کر حق و صداقت کا پرچم بلند کیا۔ ان کا یہ کردار آج بھی ایمان، صبر، اور قربانی کی مثال کے طور پر زندہ ہے

ابو علی