حرمِ حضرت عباسؑ کے شعبۂ امورِ فکری و ثقافتی کے زیرِ اہتمام مرکزِ قمر الثقافی نے ذی قار میں نوجوانوں اور ثقافتی میدان سے وابستہ افراد کی علمی و فکری صلاحیتوں، خطابت اور اظہارِ خیال کی مہارتوں کو فروغ دینے کے لیے ایک تربیتی ورکشاپ کا انعقاد کیا

مرکز کے مدیر، شیخ حارث الداحی نے بتایا کہ اس ورکشاپ میں متعدد بنیادی موضوعات پر گفتگو کی گئی، جن میں لیکچر کے مواد کی تیاری کے اصول، مؤثر اندازِ بیان، سامعین کے ساتھ مثبت تعامل اور انہیں گفتگو میں شریک کرنے کے طریقے شامل تھے۔ اس کے ساتھ ساتھ عملی مشقیں بھی کروائی گئیں، جو مقررین کی کارکردگی کو بہتر بنانے اور ایک مؤثر، بامقصد اور بااثر خطابت کی تشکیل میں معاون ثابت ہوئیں۔

انہوں نے مزید کہا کہ اس ورکشاپ میں شیخ لیث الحسناوی نے اپنے عملی تجربے کی روشنی میں اہم نکات اور رہنمائی پیش کی، جس کے نتیجے میں شرکاء کی جانب سے نمایاں دلچسپی، بھرپور توجہ اور فعال شرکت دیکھنے میں آئی