مرجعِ دینیِ اعلیٰ کے وکیل، شیخ انور علی نجفی کی ہدایت پر الکوثر انٹرنیشنل ہسپتال اسلام آباد کی میڈیکل ٹیم نے ترلائی کلاں اسلام آباد میں ہونے والے دھماکے میں زخمی ہونے والے نمازیوں کی عیادت اور طبی معائنہ کے لیے پمز ہسپتال کا تفصیلی دورہ کیا

الکوثر انٹرنیشنل ہسپتال کی میڈیکل ٹیم ڈاکٹر محمد طاہر قاسمی کی سربراہی میں روانہ ہوئی جس میں ماہر ڈاکٹر سرجری اور نگہداشت کے اسپیشلسٹس کے علاوہ ہسپتال کے ڈپٹی ڈائریکٹر ڈاکٹر عزیز بنگش بھی شامل تھے۔ دیگر اراکین میں سرجن ڈاکٹر سید محمود عباس، سرجن ڈاکٹر خرم عباس، پیتھالوجسٹ ڈاکٹر شاہد طوری، کارڈیالوجسٹ ڈاکٹر سید ناصر گردیزی، کلینیکل سائیکالوجسٹ ڈاکٹر ساجدہ کاظمی، فیملی فزیشن ڈاکٹر فرح طاہر قاسمی اور ڈاکٹر علی رشید شامل تھے

میڈیکل ٹیم نے تمام زخمیوں کا ڈیٹا جمع کرنے کے بعد ہر کیس پر تفصیلی اور تکنیکی مشاورت کی۔

زخمیوں کے ساتھ ساتھ اُن کے لواحقین کی دیکھ بھال کے لیے بھی جابر بن حیان ٹرسٹ اور جامعہ الکوثر کی جانب سے خصوصی رضاکار تعینات کیے گئے ہیں، جو مریضوں کے لیے بروقت خون کے عطیات کی فراہمی اور لواحقین کی آرام و ضروریات کا بھرپور خیال رکھ رہے ہیں