کربلا: وارث اکیڈمی برائے پائیدار ترقی اور اسٹریٹیجک اسٹڈیز نے وزارت تعلیم عراق کے عملے کے لیے ملازمت کے آداب پر ایک خصوصی تربیتی کورس کا اہتمام کیا۔

یہ کورس دونوں اداروں کے مابین تعاون کے تحت منعقد کیا گیا جس کا مقصد عملے کو جدید مہارتوں سے لیس کرنا اور کام کی جگہ کے ماحول کو بہتر بنانا ہے۔

کورس کے ٹرینر، استاد علی ہاشمی نے کربلا انٹرنیشنل نیوز ایجنسی سے گفتگو کرتے ہوئے بتایا کہ یہ تربیتی پروگرام اکیڈمی اور وزارت تعلیم کے درمیان طے شدہ اسٹریٹیجک منصوبوں کا حصہ ہے، جس کا مقصد جدید انتظامی تقاضوں کے مطابق عملے کی صلاحیتوں کو بہتر بنانا ہے۔

کورس میں تین دن تک "سمارٹ ملازمت آداب" کے تصور پر تفصیلی لیکچرز دیے گئے، جن میں اس کے مختلف محکموں میں انعقادکی اہمیت پر زور دیا گیا۔ تربیتی سیشنز کے دوران کارکردگی کو بہتر بنانے اور پیشہ ورانہ تعلقات کو مضبوط کرنے پر توجہ مرکوز کی گئی۔

ابو علی