حرم امام حسین علیہ السلام کے ادرے دارالقرآن کریم نے شعبہ امور دینی کی تعاون سے یکم جون سے سمر کلاسز کا انعقاد

اس سال سمر کمپ میں چار ہزار سے زائد طلباء وطالبات شریک ہونگے جس میں طالبات کی تعداد 3500 جبکہ طلباء کی تعداد 500 ہیں

دار القرآن کریم کے میڈیا ڈیپارٹمنٹ کے انچارچ جناب کرار شمری نے کربلا انٹرنیشنل نیوز ایجنسی کو ایک بیان میں کہا کہ دار القرآن کریم نے شعبہ امور دینیہ کی تعاون سے، 1 جون سے حرم حسینی میں موسم گرما کی تعطیلات میں طلباء وطالبات کے لئے شارٹ کورس کا انعقاد کیا ہے جس میں چار ہزار نئی نسل کو تعلمیات محمد وآل محمد علیہم السلام کے ساتھ ساتھ قرآنی علوم کی تعلیمات سے بھی بہرہ مند کیا جانے گا۔

انہوں نے مزید کہا کہ شارٹ کورس کا دورانیہ بچیوں کے لیے صبح آٹھ بجے سے صبح گیارہ بجے تک ہے اور بچوں کے لیے شام چار بجے سے شام چھ بجے تک ہے۔

بچوں کے لیے دروس کے علاوہ مختلف ایکٹیوٹیز بھی ہونگی جس میں سر فہرست قرآن حفظ کرنا ہے۔

قرآنی تعلیمات کے ساتھ ساتھ اخلاقی اور فقہی لیکچرز بھی ہونگے۔

واضح رہے اس سال دار القرآن کریم کی زیر نگرانی عراق کے مختلف صوبوں میں250 قرآنی شارٹ کورسز کا اہتمام کیا جا رہا ہے۔

جس میں سے 6 سنٹرز عین تمر میں ہونگے جن سے سینکڑوں طلباء مستفید ہونگے۔