رمضان المبارک کی 23 شب (لیلۃ القدر) کے موقع پر لاکھوں زائرین نے دعا و مناجات کی محفل میں شرکت کی۔ حرم امام حسین ع اور حرم حضرت عباس ع میں تل دھرنے کو جگہ نہ تھی ۔ اس وقت بڑے رقت آمیز مناظر دیکھنے میں نظر آئے اور ہر آنکھ اشک بار اپنے رب کے حضور اپنے گناہوں کی معافی کی طلب گار تھی

عراق کے مختلف علاقوں اور دنیاء برسے آئے ہوئے زائرین کے جمع غفیر نے شبہائے قدر 23 ویں کی رات حرم امام حسین(ع) اور حرم حضرت عباس(ع) میں حاضری، زیارت، دعا اور شب قدر کے اعمال کی بجا آوری کا شرف حاصل کیا۔

 زائرین ان بابرکت راتوں کا عبادت، دعاؤں، قرآن کی تلاوت، قرآن کو سر پر رکھ کرمخصوص اعمال اور قرآنی مجالس کے انعقاد کے ذریعے احیاء کرتے ہیں۔ کربلاء میں حرم امام حسین کی جانب سے تیئيس رمضان کی رات میں زائرین کی وسیع تعداد کی آمد کے پیش نظر وسیع انتظامات کیے تھے کہ جن میں افطار و سحری کی فراہمی اور تیئیس رمضان کی رات کے مخصوص اعمال کی بجا آوری کے لیے جگہوں کی تیاری شامل ہے