کربلاء میں سترہویں بین الاقوامی کتاب میلے میں عتبات عالیہ سمیت 145ملکی و ٖغیر اشاعتی اداروں کی شرکت
حرم امام حسین علیہ السلام کی جانب سے منعقدہ سولہویں سالانہ ربیع الشہادہ ثقافتی فیسٹیول کے ساتھ ساتھ سترہویں بین الاقوامی کتاب میلے کا باقاعدہ افتتاح کر دیا گیا ہے
نمائش کے مسئول غيث الدباغ نے انٹرنیشنل میڈیا سنٹر سے بات کرتے ہوئے کہا کہ امام حسین علیہ السلام کے یوم ولادت باسعادت کی مناسبت سے منعقدہ ربیع الشہادہ ثقافتی فیسٹیول کی فعالیتوں میں سے ایک فعالیت بک سٹال لگانا بھی ہے۔  
 سترہویں بین الاقوامی کتاب میلے کا حرم امام حسین علیہ السلام کی متولی شرعی اور اعلی سطح کی انتظامیہ کی موجودگی میں، آج باقاعدہ افتتاح کردیا گیا ہے ۔ اس کتابی میلے کو اہل علم کے لیے مل بیٹھنے کا ذریعہ اور کتب بینی سے شغف رکھنے والوں کے لیے ’بہتا سمندر‘ بھی کہا جاتا ہے۔
اس نمائش میں ملکی و غیر ملکی 145 سے زائد اشاعتی اداروں کے ساتھ 12 ممالک سے پپلیشرز نے شرکت کی ہے
  یہ کتابی میلہ دس روز تک جاری رہے گا
انہوں نے مزید کہا کہ اس نمائش میں اسلامی علوم کے علاوہ بقیہ علوم کے متعلقہ کتب بھی پیش کی گئی ہیں۔ اس لئے مذہبی علوم کے علاوہ جدید عصری علوم سے متعلقہ کتابیں، کتابی میلے کا حصہ ہیں۔  
مزید برآں اس نمائش میں جدید موضوعات پر تحریر کیے گئے تھیسیز کو بھی شامل کیا گیا ہے۔