حضرت امام جعفر صادق علیہ السلام کی شھادت کی یاد میں  تمام  عتبات عالیات  میں   سوگ کا منظر اور ہر طرف سیاہ چادریں اور سیاہ عَلَم آویزاں ہیں۔ چھٹے امامؑ کے یوم شھادت پورے روضہ مبارک میں روشنیوں کا رنگ سرخ کر دیا گیا ہے اور باب قبلہ  امام حسین(ع) پربڑے بڑے تعزیتی بینرز بھی آویزاں کیے گئے ہیں۔
حرم امام حسین و حرم حضرت عباس علیہما  السلام نے چھٹے امام حضرت امام جعفر صادق (علیہ السلام) کی المناک شھادت کے احیاء کے لیے متعدد عزائی پروگراموں کو ترتیب دیئے ہیں جن میں دونوں حرم میں صبح و شام مجالس عزاء کا انعقاد، دونوں مقدس روضوں کی جانب سے ماتمی جلوس کی برآمدگی اور دیگر مراسم عزاداری شامل ہیں۔
واضح رہے کہ حضرت امام جعفر صادق بن امام محمد باقر علیہما السلام کی ولادت باسعادت 17ربیع الاول 80ہجری کو مدینہ منورہ میں ہوئی اور آپ کی شہادت 25 شوال 148ہجری میں مدینہ میں ہی ہوئی۔ آپ علیہ السلام کی مدت امامت (34) سال ہے۔ آپ علیہ السلام اپنے والد امام محمد باقر علیہ السلام اور اپنے دادا امام السجاد اور امام الحسن علیہم السلام کے ساتھ ہی البقیع میں دفن ہیں