لاہور: ہفتۂ صادقینؑ کی بین الاقوامی تقریبات کے سلسلے میں حرم امیرالمؤمنینؑ کے زیر اہتمام پاکستان کے شہر لاہور میں ایک پروقار جشن کا انعقاد کیا گیا، جس میں مختلف مکاتبِ فکر سے تعلق رکھنے والی ممتاز دینی، سرکاری اور سماجی شخصیات نے شرکت کی

یہ تقریب نبی اکرم حضرت محمد مصطفیٰ صلی اللہ علیہ وآلہ وسلم اور امام جعفر صادق علیہ السلام کی ولادتِ باسعادت کی مناسبت سے منعقد ہوئی، جس میں مختلف مذہبی و ثقافتی پروگرام پیش کیے گئے

تقریب کے دوران حرم امیرالمؤمنینؑ کے خدام نے مرقدِ امیرالمؤمنین علیہ السلام سے لایا گیا رسول اکرم حضرت محمد مصطفیٰ صلی اللہ علیہ وآلہ وسلم کا متبرک پرچم زائرین اور اہلِ ایمان کی زیارت کے لیے پیش کیا

اس موقع پر شرکاء نے انتہائی عقیدت و محبت کا اظہار کرتے ہوئے پرچم کی زیارت کی اور اس سے تبرک حاصل کیا

وفد کے سربراہ اور حرم امیرالمؤمنینؑ کے شعبۂ امورِ دینیہ کے سربراہ، خادم کرار الخفاجی نے کہا کہ دورۂ پاکستان کے دوران مؤمنین سے ملاقاتوں اور ہفتۂ صادقینؑ کی مختلف تقریبات میں شرکت کا موقع ملا

انہوں نے پاکستانی عوام کی جانب سے وفد کے پرتپاک استقبال، محبت اور بہترین مہمان نوازی پر خوشی اور مسرت کا اظہار کیا

حرم امیرالمؤمنینؑ کا وفد لاہور کے علاوہ پاکستان کے مختلف شہروں کا بھی دورہ کر رہا ہے، جہاں ہفتۂ صادقینؑ کی تقریبات میں شرکت کے ساتھ دینی و ثقافتی اداروں سے ملاقاتیں اور اہلِ ایمان سے روابط قائم کیے جا رہے ہیں

یہ دورہ حرم امیرالمؤمنینؑ اور پاکستان کے دینی و ثقافتی حلقوں کے درمیان روابط کو مزید مستحکم کرنے اور اہلِ بیت علیہم السلام کی تعلیمات و سیرت کو اجاگر کرنے کی کوششوں کا حصہ ہے