کربلا: حرمِ امام حسینؑ کے دارالقرآن الکریم نے موسمِ گرما کی تعطیلات کے دوران بچیوں کے لیے خصوصی قرآنی سمر کورسز کا آغاز کر دیا ہے

یہ کورسز پیر، 10 اگست 2026ء سے حرمِ امام حسینؑ میں شروع ہوئے ہیں

دارالقرآن الکریم کے مرکزِ قرآنی تعلیم کے شعبۂ خواتین کے زیرِ اہتمام منعقد ہونے والے ان کورسز میں 100 قرآنی معلمات طالبات کو قرآنِ کریم کی تعلیم کے ساتھ فقہ، عقائد اور موضوعاتی تفسیر کے آسان اسباق بھی پڑھائیں گی

دارالقرآن الکریم کے میڈیا مرکز کے ذمہ دار وسام نذیر الدلفی نے بتایا کہ طالبات کی حاضری اور نظم و ضبط کے لیے 50 نگران خواتین مقرر کی گئی ہیں، جبکہ کلاسز سرداب سلطانیہ، سرداب کرامت، حائر کرامت اور سرداب الشہداء میں منعقد ہوں گی

انہوں نے مزید بتایا کہ طالبات کی آمد و رفت کے لیے 50 بسیں مختص کی گئی ہیں، جبکہ اس قرآنی منصوبے میں 2,500 طالبات کو داخلہ دیا گیا ہے

ان طالبات کا تعلق کربلا کے مختلف علاقوں کے علاوہ مختلف عرب اور غیر ملکی قومیتوں سے ہے، جبکہ ان کی عمریں بھی مختلف ہیں

اس قرآنی پروگرام کا مقصد بچیوں اور خواتین کو قرآنِ کریم کی تعلیمات سے روشناس کرانا، قرآنی علوم کو فروغ دینا اور معاشرے میں قرآنی ثقافت کو عام کرنا ہے