اربعینِ حسینی کی مناسبت سے کربلائے معلیٰ آنے والے لاکھوں زائرین کی محفوظ اور منظم واپسی کے لیے عراقی حکومت نے خصوصی ٹرانسپورٹ انتظامات کیے ہیں

جن کے تحت جدید اور ایئرکنڈیشنڈ ٹرینیں مسلسل چلائی جا رہی ہیں

عراقی وزارتِ ٹرانسپورٹ کے ڈائریکٹر برائے نقل و آپریشن، علی کاظم دوحی نے بتایا کہ وزارتِ ٹرانسپورٹ کے زیرِ انتظام عراقی ریلوے کی جانب سے کربلا اور بغداد کے درمیان جدید، مکمل طور پر ایئرکنڈیشنڈ ٹرینیں چلائی جا رہی ہیں

انہوں نے کہا کہ روزانہ دس سے زائد ٹرینیں ہر تین گھنٹے کے وقفے سے روانہ کی جا رہی ہیں، اور یہ سلسلہ زیارتِ اربعین کے اختتام تک جاری رہے گا۔ انہوں نے مزید بتایا کہ زائرین نے ان سہولیات اور واپسی کے منظم انتظامات کو سراہا ہے

ادھر جنوبی ریلوے زون کے ڈائریکٹر رضا الہاشمی نے بتایا کہ بصرہ سے کربلائے معلیٰ تک زائرین کی آمد و رفت کے لیے بھی اربعین ٹرانسپورٹ پلان کے تحت خصوصی ٹرین سروس جاری ہے

انہوں نے کہا کہ زائرین کی سہولت کے لیے چھ خصوصی ٹرینیں مختص کی گئی ہیں۔ یہ آپریشن 26 جولائی سے جاری ہے، جس کے دوران اب تک 14 ٹرینیں چلائی جا چکی ہیں۔ ان کے مطابق ٹرینوں کی روانگی کا وقت روزانہ شام 4 بجے، 6 بجے اور 8 بجے مقرر کیا گیا ہے