حرمِ امام حسینؑ کے زیرِ انتظام حضرت سیدہ خدیجہ کبریٰؑ اسپیشلائزڈ ہسپتال برائے خواتین کی جانب سے زیارتِ اربعین کے موقع پر قائم میڈیکل کیمپ میں چوبیس گھنٹے طبی خدمات فراہم کی جا رہی ہیں

ہسپتال کی ڈائریکٹر ڈاکٹر بیداء التمیمی نے بتایا کہ اسپتال کی طبی ٹیم اربعین کے دوران زائرین کو چوبیس گھنٹے ابتدائی طبی امداد، علاج اور دیگر ضروری طبی سہولیات فراہم کر رہی ہے، تاکہ لاکھوں زائرین کو بروقت اور معیاری طبی خدمات میسر آ سکیں

انہوں نے کہا کہ اسپتال میں ضروری ادویات، طبی آلات اور دیگر میڈیکل سامان وافر مقدار میں فراہم کیا گیا ہے، جبکہ کربلائے معلیٰ آنے والے زائرین کی بڑھتی ہوئی تعداد کے پیشِ نظر تمام طبی خدمات منظم انداز میں اور بلا تعطل جاری ہیں

ڈاکٹر بیداء التمیمی نے مزید بتایا کہ زیارتِ اربعین کے لیے ماہر ڈاکٹروں، نرسنگ اسٹاف اور معاون طبی عملے پر مشتمل ایک خصوصی میڈیکل ٹیم بھی تشکیل دی گئی ہے، جو حضرت امام حسینؑ کے زائرین کو چوبیس گھنٹے بروقت، مؤثر اور معیاری طبی خدمات فراہم کرنے میں مصروف ہے