وزارتِ ٹرانسپورٹ نے زائرینِ اربعین کے لیے 579 سے زائد بسیں اور کوچز مختص کر دیںوزارتِ ٹرانسپورٹ نے زائرینِ اربعین کے لیے 579 سے زائد بسیں اور کوچز مختص کر دیں
عراقی وزارتِ ٹرانسپورٹ نے اپنے ذیلی ادارے جنرل کمپنی برائے مسافر و وفود ٹرانسپورٹ کے ذریعے اعلان کیا ہے کہ زیارتِ اربعین کے دوران زائرین کی آمد و رفت کے لیے 579 سے زائد بسیں اور کوچز مختص کی گئی ہیں
کمپنی کے ڈائریکٹر جنرل، انجینئر کریم کاظم حسین نے بتایا کہ کمپنی کی بسیں اور کوچز عراق کے مختلف سرحدی راستوں اور ہوائی اڈوں سے زائرین کو کربلائے معلیٰ منتقل کرنے کے ساتھ ساتھ شہر کے اندر بھی آمد و رفت کی سہولت فراہم کر رہی ہیں
انہوں نے کہا کہ نقل و حمل کا عمل نہایت منظم انداز میں جاری ہے اور اس سلسلے میں کربلا کی مقامی انتظامیہ اور فرات الاوسط آپریشنز کمانڈ کے ساتھ مکمل رابطہ اور ہم آہنگی برقرار ہے، تاکہ زیارتِ اربعین کے دوران زائرین کی نقل و حرکت کا منصوبہ کامیابی سے نافذ کیا جا سکے
انہوں نے مزید کہا کہ کمپنی نے زائرینِ اربعین کی خدمت کے لیے اپنے تمام انسانی، فنی اور لاجسٹک وسائل بروئے کار لائے ہیں، تاکہ ایامِ زیارت میں نقل و حمل کا سلسلہ مؤثر، محفوظ اور بلا تعطل جاری رکھا جا سکے
واضح رہے کہ وزارتِ ٹرانسپورٹ کے ماتحت جنرل کمپنی برائے مسافر و وفود ٹرانسپورٹ نے زیارتِ اربعین کے لیے زائرین کی نقل و حمل کے منصوبے کے تحت 579 سے زائد بسیں اور کوچز مختص کی ہیں
منسلکات
