حرمِ امام حسینؑ کے شعبۂ میڈیا کے ذیلی ادارے مرکز امام حسینؑ استنبول نے اربعین حسینی کی بین الاقوامی میڈیا کوریج کے سلسلے میں ترک میڈیا ہاؤسز، صحافیوں، ڈیجیٹل کانٹینٹ کریئیٹرز اور مختلف میڈیا اداروں کے نمائندگان کے ساتھ ایک اہم اجلاس اور خصوصی ورکشاپ کا انعقاد کیا

ورکشاپ میں اربعین حسینی کی کوریج کے لیے کربلائے معلیٰ آنے والے ترک میڈیا وفود کو فراہم کی جانے والی انتظامی، فنی اور تکنیکی سہولیات پر تفصیلی تبادلۂ خیال کیا گیا، تاکہ وہ اس عظیم عالمی مذہبی اجتماع کی مؤثر اور جامع انداز میں کوریج کر سکیں

مرکز امام حسینؑ استنبول کے ڈائریکٹر صباح التالقانی نے اس موقع پر کہا کہ اربعین حسینی دنیا کے سب سے بڑے سالانہ مذہبی اجتماعات میں شمار ہوتا ہے، لہٰذا حرمِ امام حسینؑ بین الاقوامی میڈیا اداروں کو ہر ممکن تعاون، سہولیات اور ضروری معاونت فراہم کرنے کے لیے پُرعزم ہے، تاکہ اس عظیم انسانی و روحانی اجتماع کی بھرپور اور معیاری میڈیا کوریج یقینی بنائی جا سکے

اجلاس میں مرکز امام حسینؑ اور ترک میڈیا اداروں کے درمیان ثقافتی، فکری اور میڈیا تعاون کو مزید وسعت دینے پر بھی تبادلۂ خیال کیا گیا، خصوصاً مرکز کی علمی، ثقافتی اور مذہبی سرگرمیوں کی مؤثر تشہیر اور کوریج کے حوالے سے مختلف تجاویز پیش کی گئیں

ورکشاپ کے اختتام پر دونوں جانب سے باہمی رابطوں کو مزید مضبوط بنانے، معلومات کے تبادلے کو مؤثر بنانے اور پیشہ ورانہ ہم آہنگی کے فروغ کے لیے ترک میڈیا اداروں کا ایک مشترکہ ڈیٹا بیس قائم کرنے پر اتفاق کیا گیا