حرمِ امام حسینؑ کی انتظامیہ نے اعلان کیا ہے کہ گنبدِ مبارکِ امام حسینؑ پر پرچمِ عزا کی سالانہ پرچم کشائی کی روح پرور اور غم اندوز تقریب منگل 16 جون کی شام منعقد ہوگی

اس موقع پر دنیا بھر سے آنے والے عزاداروں کے استقبال کے لیے تمام انتظامی، خدماتی اور سکیورٹی انتظامات مکمل کر لیے گئے ہیں

حرمِ مقدس کے شعبۂ حفظِ نظام کے سربراہ، انجینئر رسول فضالہ نے بتایا کہ پرچم کشائی کی مرکزی تقریب منگل کی شام منعقد ہوگی، جس میں بڑی تعداد میں زائرین اور محبانِ اہلِ بیتؑ کی شرکت متوقع ہے۔ انہوں نے کہا کہ عزاداروں کی سہولت، سلامتی اور منظم آمدورفت کو یقینی بنانے کے لیے جامع منصوبہ بندی کے تحت تمام تیاریاں مکمل کر لی گئی ہیں

انہوں نے مزید کہا کہ حرمِ حسینی کے مختلف خدماتی اور انتظامی شعبے مکمل طور پر متحرک ہیں تاکہ عزادار پرسکون، منظم اور روحانی ماحول میں ان بابرکت مراسم میں شرکت کر سکیں

واضح رہے کہ گنبدِ امام حسینؑ پر سیاہ پرچمِ عزا کی پرچم کشائی ماہِ محرم الحرام 1448 ہجری کی آمد کا باضابطہ اعلان تصور کی جاتی ہے

اس غم اندوز تقریب کے ساتھ ہی دنیا بھر میں سیدالشہداء حضرت امام حسینؑ، اہلِ بیتِ اطہارؑ اور ان کے وفادار اصحابؑ کی عظیم قربانی کی یاد میں عزائی اور عاشورائی مراسم کا آغاز ہو جاتا ہے