حرمِ امام حسینؑ کے زیرِ انتظام خدیجۃ الکبریٰؑ برائے امراضِ نسواں تخصصی اسپتال میں عیدِ سعیدِ غدیر کی مناسبت سے خصوصی میڈیکل کیمپ کا انعقاد کیا جا رہا ہے

یہ ایک روزہ میڈیکل کیمپ کل بروز جمعرات، 18 ذی الحجہ، منعقد ہوگا۔

اسپتال کی ڈائریکٹر ڈاکٹر بیداء ابراہیم التمیمی نے بتایا کہ روضۂ حسینی کے متولیِ شرعی جناب شیخ عبدالمہدی کربلائی کی ہدایات اور حرم کے اسپتالوں کے نگران ڈاکٹر صباح الموسوی کی نگرانی میں اس خصوصی طبی مہم کا آغاز کیا جا رہا ہے

انہوں نے کہا کہ عیدِ غدیرِ اَغر کی بابرکت مناسبت سے اسپتال میں ایک روز کے لیے تمام طبی خدمات پر 50 فیصد رعایت دی جائے گی۔ یہ اقدام عوام کو معیاری، جامع اور رعایتی طبی سہولیات فراہم کرنے کے عزم کا مظہر ہے

اس خصوصی پیکج میں مشاورتی کلینکس میں طبی معائنہ، لیبارٹری ٹیسٹ، ایکسرے، الٹراساؤنڈ اور جراحی آپریشنز سمیت اسپتال کی بیشتر طبی خدمات شامل ہوں گی۔

انتظامیہ کے مطابق اس اقدام کا مقصد عیدِ غدیر کی خوشیوں میں عوام کو معیاری طبی سہولیات فراہم کرنا، مریضوں کے علاج میں آسانی پیدا کرنا اور معاشرے میں صحت عامہ کے فروغ میں مؤثر کردار ادا کرنا ہے