القبس فاؤنڈیشن فار کلچر اینڈ ڈیولپمنٹ کے زیر اہتمام عراق کے دارالحکومت بغداد کے الحبیبیہ اسٹیڈیم میں تیسری غدیر فیسٹیول کا اہتمام

القبس کی جانب سے منعقدہ فیسٹیول میں روضہ مبارک امام علی (ع)، امام حسین (ع)، حضرت عباس (ع)، عسکریین، کاظمین مقدسہ اور حسینی مواکب کے تعاون سے شہر کے سب سے بڑے انٹرنیشنل اسٹیڈیم میں عید الغدیر کی مناسبت سے منعقد کیا گیا تھا۔

فیسٹیول کا آغاز قاری اسامہ الکربلائی نے تلاوت قرآن پاک سے کیا جس کے بعد استقبالیہ تقریر کی گئی، جس کے بعد معروف شعراء کرام جن میں ایہاب المالکی، محمد العجیبی، اور ردود قحطان البدیری شامل ہیں نے عید غدیر کی مناسبت سے خوبصورت نظمیں اور قصیدے پڑھے۔ 

اس فیسٹیول کے ضمن میں متعدد علمی و فکری سرگرمیوں کا مشاہدہ بھی کیا گیا، جن میں کتابوں اور پینٹنگز کی نمائش، ایک تھیٹر پرفارمنس اور مشاعرہ شامل ہیں، جبکہ میلے میں شہریوں کی بڑی تعداد موجود تھی۔

قبس فاؤنڈیشن کے عہدیدار نے انٹرنیشنل نیشنل نیوز ایجنسی کو کہا کہ تیسرا عید الغدیر فیسٹیول جو بغداد میں منعقد کیا جا رہا ہے، بڑے تہواروں میں سے ایک ہے۔ یہ فیسٹیول عید الغدیر کے موقع پر متعدد اداروں کی شرکت سے منعقد ہو رہا ہے۔