حرم  امام حسین علیہ السلام کے شعبہ زراعت نے کربلا کے صحرائی علاقوں  کو سرسبز و شاداب بنانے کے لئے  4000 دونم رقبہ پر گندم کی فصل کاشت کرنے کا اعلان کیا ہے۔

زرعی ترقیاتی محکمے کے مسول قحطان عوز شمری نے کہا کہ سید الشہداء زرعی پروجیکٹ  کے نام سے شروع  کیا ہوا   یہ منصوبہ ان اہم منصوبوں میں سے ایک ہے جو کربلاء کے صحرائی علاقوں میں سرمایہ کاری کر کے  سرسبز بنانے پر  پچھلے کئی سالوں سے کام کر رہا ہے۔

انہوں نے مزید کہا کہ اس منصوبے کے کل رقبہ میں سے 4000 دونم پر گندم کی فصل کی کاشت ہوگی ، جو کہ  ملکی اہم ضروریات میں سے ایک ہے۔ اس منصوبے کے لیے آبپاشی  کے لئے کنویں کی کھدائی  کے زریعے سے پانی نکالا جا رہا ہے اور فصلوں کو آبپاشی کے لیے جدید

ڈرپ/ سپرنکلر نظامِ آبپاشی سسٹم کا استعمال کرتاہے۔

الشمری نے اس منصوبے کی افادیت کو بیان کر تے ہوئے کہا، یہ منصوبہ کربلا اور دیگر صوبوں کے لیے گندم کی کمی کو پورا کرنے میں مددملے گا، اس کے علاوہ جانوروں کے لئے گندم اور جو کی فصلوں سے تیار کردہ خوراک فراہم کرنے میں بھی مددگار ثابت ہوگا ۔

قابل ذکر بات یہ ہے کہ صحرائے کربلا کے وسیع و عریض علاقوں کو سرسبز نخلستانوں میں تبدیل کرنے والے ان گرین منصوبوں سے ماحولیات کو بہتر بنانے اور صحرا بندی سے نمٹنے میں نمایاں کامیابی ملے گا، اور بڑھتی ہوئی آبادی اور ماحولیاتی مسائل سے درپیش سنگین  مسائل  کو حل کرنے کے لئے بھی مدد ملے گا ۔