حرم  امام حسین علیہ السلام کی مرکزی میلاد  کمیٹی نے حضرت فاطمۃ الزہرا سلام اللہ علیہا  کی ولادت کی مناسبت سے (کوثر العصمہ) کے عنوان سے پہلی بین الاقوامی کانفرنس  منعقد کرنے کی تیاری مکمل کرنے کا اعلان کیا ہے۔

 میلاد کمیٹی کے رکن علی کاظم سلطان نے انٹرنیشنل میڈیا سنٹر  کے نمایندہ کو بتایا کہ "یہ انٹر نیشنل کانفرنس  امام حسین علیہ السلام کے حرم کے اندر منعقد ہوگی جس میں شام، لبنان، الجزائر ، تیونس، سعودی عرب، بحرین، کویت، ایران اور ترکی سمیت دس سے زائد ممالک شرکت کریں گے اور یہ تین دن تک جاری رہے گی ۔اس میں اندرون ملک اور بیرون ملک سے شخصیات شرکت کریں گی۔"

علی کاظم سلطان نے مزید کہا، "اس انٹرنیشنل کانفرنس  میں بہت سی سرگرمیاں شامل ہوں گی۔ان  میں  حضرت زہراء سلام اللہ علیھا پر کی گئی شاعری ، تحقیقی و علمی سیمینار ، حضرت فاطمہ الزہرا سلام اللہ علیہا  کے خطبہ کے حفظ کا مقابلہ ، بین الاقوامی کتابی میلہ ہے اور اس کے علاوہ بہت سی دوسری سرگرمیاں شامل ہوں گی۔

واضح رہے اس کانفرنس کی کچھ تقریبات  " جامعہ الزہراءبرائے خواتین "میں منعقد ہوں گی۔