حرم امام حسین علیہ السلام کے اسٹریٹجک پروجیکٹس ڈیپارٹمنٹ کے ذمہ داران نے بتایا کہ کربلا مقدس میں غریبوں کی رہائش کے لیے بننے والی سب سے بڑی ہاؤسنگ سوسائٹی  کی تکمیل پر کام تیزی سے جاری ہے ۔
پراجیکٹ انچارج، انجینئر محمد حسن عبدالتمیمی نے کہا، " ہمارے انجینئرز نے  اس  ہاؤسنگ  سوسائٹی کی تعمیر میں اعلی درجے کا مواد  استعمال کیا ہے ۔"
انہوں نے وضاحت  کرتے ہوئے بتایا کہ "یہ منصوبہ (کربلا-بابل) روڈ پر واقع ہے، جس کا رقبہ (150) دونم ہے، اور اس پروجیکٹ کو جدید طریقوں سے دو ماڈلز پر ڈیزائن کیا گیا ہے، جس میں پہلا ماڈل (150) مربع میٹر،پر جبکہ   دوسرا (120) مربع میٹر کے رقبے پر مشتمل ہوگا ۔ جہاں تک تعمیر کا تعلق ہے،  تو یہ افقی ہے۔
انہوں نے مزید کہا کہ اس پروجیکٹ پر کام تیزی سے جاری  ہے، جس میں کل (509) مکانات ہیں اور اس میں مکمل گھر  رنگ، روغن اور بجلی کی وائرنگ   تک مکمل کر کے دینگے ۔"
واضح رہے اس منصوبے میں لڑکوں  اور لڑکیوں  کے لیے چار اسکول، ایک پرائمری سکول ، ایک ہسپتال ، اور ایک مارکیٹ بھی شامل ہے۔"
جیسا کہ سب کو معلوم ہے کہ حرم  امام حسین علیہ السلام اس پروجیکٹ اور دیگرعوامی  خدماتی منصوبوں کے ذریعے غریبوں کو ایک باوقار اور پرامن زندگی فراہم کرنے اور انہیں بہترین خدمات فراہم کرنے کی کوشش کرتا ہے۔