اسلامی جمہوریہ ایران کی مجلسِ شورائے اسلامی کے سربراہ محمد باقر قالیباف نے نجف اشرف کے گورنر یوسف کناوی کے ہمراہ امیرالمؤمنین امام علی بن ابی طالبؑ کے روضۂ اقدس کی زیارت کا شرف حاصل کیا

حرمِ امام علیؑ کے نائب سیکریٹری جنرل احسان الطائی نے ایرانی وفد کا استقبال کیا اور زائرین کی خدمت کے لیے حرمِ علوی کی جانب سے فراہم کی جانے والی خدمات سے آگاہ کیا

اس موقع پر نائب سیکریٹری جنرل نے ایرانی وفد کا خیرمقدم کرتے ہوئے کہا کہ حرمِ علوی زائرینِ مرقدِ امیرالمؤمنینؑ کی خدمت کے لیے اپنی تمام تر صلاحیتیں اور وسائل بروئے کار لا رہا ہے، بالخصوص خصوصی زیارتی ایام کے دوران جب دنیا بھر سے لاکھوں زائرین نجف اشرف کا رخ کرتے ہیں، تاکہ انہیں بہترین سہولیات اور خدمات فراہم کی جا سکیں

محمد باقر قالیباف نے بڑی مذہبی زیارتوں کے دوران حرمِ علوی کی جانب سے انتظامی اور خدماتی شعبوں میں انجام دی جانے والی کاوشوں کو سراہا اور عراقی عوام کی جانب سے زائرین کے لیے فراہم کی جانے والی خدمات پر شکریہ اور قدر دانی کا اظہار کیا

انہوں نے بالخصوص موسمِ زیارتِ اربعین کے دوران عراقی عوام کی جانب سے زائرین کی میزبانی اور خدمات کو سراہتے ہوئے شہید سید خامنہ ای کی تشییعِ جنازہ کی تقریبات میں عراقی عوام کی شرکت کو بھی خراجِ تحسین پیش کیا