نجف اشرف کے بین الاقوامی ہوائی اڈے سے حجاجِ کرام کو لے کر پہلی پرواز روانہ ہو گئی

نجف اشرف بین الاقوامی ہوائی اڈے کے ڈائریکٹر جناب حیدر المیالی نے آج تصدیق کی کہ عراقی حجاجِ بیت اللہ الحرام کی روانگی کا سلسلہ مسلسل دوسرے روز بھی جاری ہے، اور پروازیں مدینہ منورہ کے ہوائی اڈے کی جانب روانہ ہو رہی ہیں۔

انہوں نے بتایا کہ تمام امور نہایت سہولت اور روانی کے ساتھ انجام پا رہے ہیں، جبکہ حجاجِ کرام کے لیے خصوصی انتظامات کیے گئے ہیں۔ ان سہولیات میں ہوائی اڈے کے پہلے داخلی دروازے سے لے کر جہاز میں سوار ہونے تک مکمل رہنمائی اور آسانیاں شامل ہیں

انہوں نے مزید بتایا کہ اب تک تقریباً 450 حجاجِ کرام نجف ایئرپورٹ سے روانہ ہو چکے ہیں، جبکہ مجموعی طور پر تقریباً 1500 حجاج کی روانگی متوقع ہے، جو 14 سے 16 پروازوں کے ذریعے قومی ایئرلائن سے سفر کریں گے

دوسری جانب نجف کے شہریوں نے ایئرپورٹ کی دو ماہ سے زائد بندش کے بعد دوبارہ بحالی پر خوشی کا اظہار کیا اور فراہم کی جانے والی خدمات کو سراہا