فاؤنڈیشن نے عالمی ہسپتالوں کی یونین کی بین الاقوامی کانفرنس میں عراق کی نمائندگی میں شرکت کرتے ہوئے ایک مثالی طبی ماڈل پیش کیا اس کانفرنس میں 80 ممالک سے تعلق رکھنے والے 1500 سے زائد طبی شعبے سے وابستہ ماہرین اور ذمہ داران نے شرکت کی

حرمِ امام حسینؑ کے شعبۂ صحت و طبی تعلیم سے وابستہ اس ادارے نے اپنے بیان میں کہا کہ یہ شرکت عراق کی نمائندگی اور کینسر کے علاج کے میدان میں اپنے تجربات کو پیش کرنے کے لیے ایک اہم پلیٹ فارم ثابت ہوئی اس موقع پر ادارے کی ایک نمایاں طبی پیش رفت کو جدید طبی نگہداشت کے ایک مثالی ماڈل کے طور پر اجاگر کیا گیا

ادارے نے مزید کہا کہ یہ بین الاقوامی شرکت اس بات کی عکاسی کرتی ہے کہ عراقی طبی ادارے چیلنجز کے باوجود صحت کے شعبے میں بہتری لانے اور عالمی معیار کے جدید علاجی اصولوں اور پروٹوکولز کو نافذ کرنے کی بھرپور صلاحیت رکھتے ہیں

بیان میں یہ بھی واضح کیا گیا کہ یہ کامیابی چار سالہ مسلسل محنت کا نتیجہ ہے۔ ادارہ جدید سائنسی بنیادوں اور واضح انسانی ہمدردی کے جذبے کے تحت معیاری طبی خدمات فراہم کرنے کے اپنے عزم کا اعادہ کرتا ہے، جس کے تحت بالغ مریضوں کو رعایتی اور بچوں کو مکمل طور پر مفت علاج فراہم کیا جاتا ہے