حرم امام علیؑ کے شعبۂ مضیفِ زائرین نے عراق کے مختلف صوبوں میں روزہ داروں کے لیے افطار کرانے کی مہم شروع کر دی ہے، جس کا پہلا مرحلہ صوبہ دیوانیہ سے آغاز ہوا ہے

شعبۂ مضیفِ زائرین کے سربراہ خادم اثیر التمیمی نے بتایا کہ حرم امام علیؑ کی جنرل سیکریٹریٹ کی خصوصی ہدایات پر اس بابرکت مہم کا آغاز کیا گیا ہے، جس کا مقصد ماہِ رمضان المبارک کی برکات اور فیوضات کو زیادہ سے زیادہ لوگوں تک پہنچانا ہے۔ انہوں نے کہا کہ اس مہم کے تحت مستحق اور نادار خاندانوں میں راشن تقسیم کرنے کے ساتھ ساتھ مختلف مساجد میں افطاری کا اہتمام بھی کیا جا رہا ہے۔ یہ مہم حرمِ مطہر کے مختلف شعبوں اور انسانی و سماجی اداروں کے باہمی تعاون سے انجام دی جا رہی ہے

صوبہ دیوانیہ میں ضیافت مہم کے نگران خادم حسن نے بتایا کہ شعبۂ مضیفِ زائرین کے پروگرام میں محافظہ دیوانیہ کے قضاء عفك میں روزہ داروں کے لیے افطار دسترخوان کا اہتمام شامل تھا، نیز دور دراز علاقوں میں مقیم مستحق خاندانوں میں رمضان المبارک کی مناسبت سے راشن تقسیم کیا گیا، جس کی تعداد 1500 پیکٹس تھی

حرم امام علیؑ کی سرکاری ویب سائٹ کے مطابق، یہ بابرکت مہم عتبہ علویہ مقدسہ کے فلاحی و انسانی خدمات کے اس تسلسل کا حصہ ہے، جس کے تحت معاشرے میں موجود سفید پوش اور ضرورت مند افراد کی خدمت کی جاتی ہے

بیان میں مزید کہا گیا ہے کہ عتبۂ علویہ کے افطار دسترخوان صرف صوبوں تک محدود نہیں، بلکہ روزانہ اور ہفتہ وار بنیادوں پر بھی جاری رہتے ہیں، جبکہ ماہِ رمضان المبارک کے دوران مرقد المولى أمير المؤمنينؑ کے صحن میں بھی افطار کا وسیع اور منظم اہتمام مسلسل کیا جاتا ہے