سال 2025 کے دوران حرمِ امام حسینؑ نے انسان دوست خدمات کے فروغ کے لیے 52 ارب عراقی دینار خرچ کیے

ایسی سرمایہ کاری جس کی بنیاد رقم نہیں بلکہ انسان کی قدر و حرمت ہے

اسی سلسلے میں عتبۂ حسینیہ مقدسہ نے سرطان کے علاج سے وابستہ دو بنیادی طبی مراکز کی مکمل سرپرستی کا اعلان کیا، جو ایک وسیع انسانی منصوبے کا حصہ ہے، جہاں مفت اور معیاری طبی نگہداشت کو اولین ترجیح دی گئی ہے

اسی تناظر میں کربلا میں قائم مؤسسۂ وارث فاؤنڈیشن برائے علاجِ سرطان نے تقریباً دو ہزار بچوں اور چار ہزار بزرگ مریضوں کو بلا معاوضہ تشخیصی و علاجی سہولیات فراہم کیں، جو اس ادارے کے انسانی عزم اور پیشہ ورانہ خدمات کا واضح ثبوت ہے

جبکہ جنوبی عراق، بالخصوص بصرہ میں واقع مستشفیٰ الثقلین سرطان کے خلاف روزانہ کی بنیاد پر ایک نہایت کٹھن اور مسلسل جدوجہد میں مصروف ہے۔ یہاں 63 ہزار سے زائد مشاورتی معائنے اور تقریباً 6,800 مریضوں کے داخلے ریکارڈ کیے گئے، جو نہ صرف مریضوں کے دباؤ بلکہ فراہم کی جانے والی ہمہ گیر طبی خدمات کی وسعت کو بھی نمایاں کرتے ہیں

یہاں عطا کا معیار خرچ کی گئی رقم نہیں، بلکہ وہ زندگیاں ہیں جنہیں ایک بار پھر امید، حوصلہ اور زندگی کی روشنی نصیب ہوئی