حرمِ حضرت عباسؑ نے کربلا انٹرنیشنل بک فیئر میں سیکڑوں علمی و تحقیقی اشاعتی کتب کے ساتھ نمایاں اور مؤثر شرکت کی

یہ بک فیئر، ولادتِ باسعادت امام حسینؑ اور اعیادِ شعبانیہ کی مناسبت سے حرمِ امام حسینؑ کے زیرِ اہتمام منعقد ہونے والے اٹھارہویں بین الاقوامی ربیع الشہادہ ثقافتی فیسٹیول کی اہم سرگرمیوں میں شامل ہے

عتبۂ عباسیہ کے اسٹال کے انچارج سید محمد الاعرجی نے بتایا کہ عتبۂ مقدسہ نے اس نمائش میں اپنے پانچ اہم شعبہ جات کے ذریعے شرکت کی، جن میں شعبۂ فکری و ثقافتی امور، شعبۂ اسلامی و انسانی معارف، اعلیٰ ادارہ برائے احیائے تراث، مؤسسۂ الوافی برائے توثیق و مطالعات، اور مجمعِ علمیِ قرآنِ کریم شامل ہیں۔

انہوں نے مزید کہا کہ عتبۂ عباسیہ کے اسٹال میں متنوع اور وافر اشاعتی مواد پیش کیا گیا، جس میں علمی موسوعات، تحقیقی و علمی مجلات، اور دینی و عقائدی کتب شامل ہیں۔ یہ تمام کتب تحقیق، تدوین اور طباعت کے مراحل عتبۂ عباسیہ مقدسہ کی نگرانی میں مکمل کی گئی ہیں

سید محمد الاعرجی کے مطابق رواں سال عتبۂ عباسیہ کی شرکت گزشتہ ادوار کے مقابلے میں نمایاں طور پر زیادہ اور بھرپور رہی، خصوصاً موسوعات کے شعبے میں، جہاں تقریباً پندرہ نئی موسوعات نمائش کے لیے پیش کی گئیں

ان میں نمایاں طور پر موسوعۂ خطبۂ جمعہ شامل ہے، جسے پہلی مرتبہ قارئین کے سامنے پیش کیا گیا، اور جس کی تحقیق و توثیق عتبۂ عباسیہ کے ماہر محققین کے ایک خصوصی گروہ نے مکمل کی ہے