حرمِ امام حسین علیہ السلام کے زیرِ اہتمام چلنے والے خدیجۂ کبریٰؑ تخصصی برائے خواتین ہسپتال میں عوام کو طبی سہولیات فراہم کرنے کے لیے رعایتی میڈیکل کیمپ کا انعقاد جاری ہے

ہسپتال کی ڈائریکٹر ڈاکٹر بیداء التمیمی نے بتایا کہ ہسپتال میں آنے والے مریضوں کے لیے رعایتی بنیادوں پر طبی خدمات کی فراہمی کا سلسلہ مسلسل جاری ہے، جس کا مقصد خواتین کو بہتر اور معیاری علاج مہیا کرنا ہے

انہوں نے مزید کہا کہ ہسپتال میں مختلف طبی شعبے، خصوصی کلینکس اور ماہر ڈاکٹروں کی مشاورتی خدمات دستیاب ہیں، تاکہ مریضوں کو ایک ہی جگہ پر جامع طبی سہولیات فراہم کی جا سکیں

ڈاکٹر بیداء التمیمی نے اس بات پر بھی زور دیا کہ عتبۂ حسینیۂ مقدسہ کے متولیِ شرعی جناب الشیخ عبدالمہدی کربلائی ہمیشہ اس امر کی تاکید فرماتے ہیں کہ خواتین معاشرے میں ایک اہم اور نمایاں مقام رکھتی ہیں، لہٰذا ان کی خصوصی دیکھ بھال، بہترین طبی سہولیات کی فراہمی اور زندگی کے مختلف مراحل میں ان کی معاونت نہایت ضروری ہے