جامعہ الکوثر اسلام آباد میں محسنِ ملت، آیت اللہ شیخ محسن علی نجفی رحمۃ اللہ علیہ کی دوسری برسی کے موقع پر امام حسینؑ ثقافتی سنٹر کی جانب سے ایک علمی نوعیت کا بک سٹال لگایا گیا۔

جامعہ الکوثر اسلام آباد میں محسنِ ملت، آیت اللہ شیخ محسن علی نجفی رحمۃ اللہ علیہ کی دوسری برسی کے موقع پر امام حسینؑ ثقافتی سنٹر کی جانب سے ایک علمی نوعیت کا بک سٹال لگایا گیا۔

اس سٹال میں حرم امام حسین علیہ السلام کے زیرِ اہتمام شائع ہونے والی مختلف کتب، مجلات اور رسائل نمائش کے لیے پیش کیے گئے، جن میں سیرتِ امام حسینؑ، فکرِ کربلا اور اہلِ بیتؑ علیہم السلام کی تعلیمات پر مبنی قیمتی علمی مواد شامل تھا۔

سٹال پر تشریف لانے والے معزز مہمانوں اور شرکاء کو سہ ماہی مجلہ روضۂ حسینی کی رجسٹریشن سے متعلق ایک مؤثر آگاہی مہم کے ذریعے مجلہ کے تعارفی پہلوؤں اور اندراج کے طریقۂ کار سے آگاہ کیا گیا، جبکہ معزز شخصیات اور شرکاء کو کتاب "سیرتِ امام حسینؑ"بطورِ تحفہ بھی پیش کی گئی۔

اس موقع پر مختلف ممتاز علمی، دینی اور سیاسی شخصیات نے سٹال کا دورہ کیا، جن میں آیت اللہ حافظ ریاض حسین نجفی، علامہ ساجد علی نقوی اور سینیٹر علامہ راجہ ناصر عباس شامل تھے۔ معزز مہمانوں نے سٹال پر موجود علمی مواد کا بغور مشاہدہ کیا اور اس اقدام کو فکری تربیت، دینی آگاہی اور اہلِ بیتؑ علیہم السلام کی تعلیمات کے فروغ کے لیے ایک مثبت اور مؤثر کاوش قرار دیا۔