حرمِ حضرت عباس علیہ السلام کے زیرِ اہتمام پاکستان کے شہر کراچی میں تیسرے چار روزہ علمی و تربیتی فیسٹیول ’’فاطمہ سبیلِ نجات‘‘ کا اہتمام کیا گیا

حرمِ حضرت عباس علمدار علیہ السلام کی جانب سے کراچی میں ایک پُرمسرت اور بامقصد پروگرام منعقد ہوا، جس کا عنوان تھا

میرا علم، میری پہچان

یہ ایک منفرد اور روح پرور تقریب تھی جس میں ایک ہزار گریجویٹ طالبات کو خصوصی طور پر مدعو کیا گیا۔ ہر طالبہ کی آنکھوں میں وقار جھلک رہا تھا اور ہر دل میں ایمان و عفت کی پاسداری کا عہد روشن تھا

اس تقریب میں شریک ہزاروں طالبات نے جنابِ سیدہ فاطمہؑ اور جنابِ عباسِ علمدار علیہ السلام کی بارگاہ میں نماز اور حجاب کی پابندی کا پختہ عہد کیا۔ یہ عہد محض الفاظ تک محدود نہ تھا بلکہ عزم و یقین سے لبریز ایک حسین وعدہ تھا، جس نے ہر دل کو نور اور روشنی سے بھر دیا

ایک خوبصورت نظم و ضبط اور ایک مضبوط عزم کے ساتھ:

ہر طالبہ نے سرِ تسلیم خم کیا،

ہر دل نے اپنے ایمان کو سربلند کیا،

اور ہر آنکھ میں اس وعدے کی چمک نمایاں تھی کہ نماز اور حجاب ' میری پہچان، میری شان۔