حرم امام حسین علیہ السلام نے آج صحنِ عقيلہ زینبِ کبریٰ سلام اللہ علیہا میں چوتھے بین الاقوامی ثقافتی فیسٹیول کوثر العصمہ کی سرگرمیوں کے سلسلے میں فنّی نمائش کا باقاعدہ افتتاح کیا

نمائش کے فنی و ابلاغی شعبے کے ڈائریکٹر، غیث الدبّاغ نے بتایا کہ اس فنّی نمائش میں مختلف نوعیت کے اسٹالز قائم کیے گئے ہیں جن میں فنونِ لطیفہ، ثقافتی آثار اور علمی موضوعات پر مشتمل متعدد شعبے شامل ہیں

نمائش میں مصوری اور دستکاری کی تخلیقات، سیدہ فاطمہ الزہراء سلام اللہ علیہا سے متعلق مؤلفات پر مبنی خصوصی لائبریری، فنِ فِیلوگرافی کی دلکش نمائش، اور بچوں کے لیے الگ سرگرمیوں کا گوشہ شامل ہے

غیث الدبّاغ کے مطابق پانچ روز تک جاری رہنے والی اس نمائش میں عراق اور عرب ممالک کی کئی جامعات نے شرکت کی ہے، جبکہ مختلف علمی و فنّی شعبوں سے وابستہ اساتذہ، محققین اور فنکار بھی اپنے فن کے ساتھ موجود ہیں

نمائش کے پروگراموں میں بچوں، نوجوانوں اور بزرگوں کے لیے ثقافتی و علمی مقابلے بھی شامل ہیں، جن کے کامیاب شرکاء کو قیمتی اور خصوصی انعامات سے نوازا جائے گا