اسلام آباد (کربلا ٹوڈے): پہلے بین الاقوامی مقابلۂ حسنِ قراء تِ قرآنِ مجید کا آخری مرحلہ مکمل ہو گیا آج پہلے دس منتخب قرّاء نے تلاوتِ قرآن کی سعادت حاصل کی

وفاقی وزیرِ مذہبی امور سردار محمد یوسف نے کہا کہ ہمیں قرآن و سنت کی تعلیمات کے مطابق اپنی زندگیوں کو اس طرح سنوارنا ہے کہ ہم دنیا کے سامنے اسلام کا حقیقی اور روشن چہرہ پیش کر سکیں۔ پاکستان میں پہلے عالمی مقابلۂ حسنِ قراء ت کا انعقاد ہمارے لیے ایک بڑی سعادت ہے، جس میں 40 ممالک کے قرّاء نے شرکت کی

افغانستان کے عبدالرب ایوبی، شام کے محمد سیمی، مراکش کے ایوب اللہ، اور ترکی کے طیّب حوس نے تلاوت پیش کی۔ پاکستان کے قاری عبدالرشید، ایران کے عدنان، اور ملائیشیا کے ایمان رضوان نے سیمی فائنل میں تلاوت کی

عراق کے مصطفیٰ عماد حمید الحمدان، بنگلہ دیش کے محمد میزان الرحمٰن، اور انڈونیشیا کے الہام محمودین نے بھی تلاوت پیش کی۔ مقابلے کے پہلے، دوسرے اور تیسرے انعام کے خوش نصیب قرّاء کے ناموں کا اعلان 29 نومبر بروز ہفتہ کیا جائے گا

چیف جج قاری سید صداقت علی کی سربراہی میں کویت، مصر، پاکستان اور ایران کے ممتاز قرّاء نے ججوں کے فرائض سرانجام دیئے