حرم امام حسین علیہ السلام کی ہیلتھ اینڈ میڈیکل ایجوکیشن اتھارٹی کے زیرِ انتظام مرکز الہادی برائے پٹھوں اور اعصاب نے ڈوشین پٹھوں کے انحطاط کے مریضوں کے لیے پہلی خصوصی مشاورتی سروس کا آغاز کردیا ہے

مرکز الہادی کے ڈائریکٹر ڈاکٹر صالح الجابری کے مطابق اس مشاورتی کلینک میں پٹھوں کی قوت کا معائنہ، مرض کے مرحلے کی تشخیص، سانس کے نظام اور دل کے عضلے کا تفصیلی جائزہ شامل ہے۔ انہوں نے بتایا کہ مریضوں کی نفسیاتی حالت، غذائی ضروریات اور جوڑوں کا معائنہ بھی کیا جاتا ہے تاکہ مستقبل میں ہونے والی اکڑاہٹ (Stiffness) سے بچاؤ ممکن بنایا جاسکے

انہوں نے مزید کہا کہ فزیوتھراپی کی ٹیم نے مریضوں کو لچک برقرار رکھنے اور پٹھوں کے سکڑاؤ کو کم کرنے سے متعلق اہم رہنمائی فراہم کی۔ اس کے ساتھ ساتھ ادویات کے علاج کی حکمتِ عملی کا بھی جائزہ لیا گیا اور ادویات کے ممکنہ مضر اثرات اور ان سے بچنے کے طریقوں پر تفصیلی گفتگو کی گئی