روضہ امام حسین علیہ السلام کی انتظامیہ نے کربلا انٹرنیشنل ایئرپورٹ میں تعمیراتی کام کی پیش رفت کی شرح کا اعلان کر دیا ہے

روضہ مقدس کے سیکرٹری جنرل حسن رشید العبایجی نے بتایا کہ کربلا انٹرنیشنل ایئرپورٹ عراق کے فضائی شعبے میں ایک اسٹریٹجک دروازے کی حیثیت رکھتا ہے، جہاں مجموعی تکمیل کی شرح 89 فیصد تک پہنچ چکی ہے

انہوں نے مزید کہا کہ زائرین کے لیے مخصوص لاؤنج، جو اپنے خوبصورت اور اعلیٰ فنی ڈیزائن کے باعث ایک عالمی شاہکار ثابت ہوگا، اس کا 58 فیصد کام مکمل ہو چکا ہے ،جبکہ دیگر متعلقہ سہولیات کی تعمیراتی پیش رفت تقریباً 95 فیصد تک پہنچ گئی ہے

العبایجی کے مطابق، یہ ایئرپورٹ ایک گھنٹے میں 26 طیاروں کی آمد و رفت کی گنجائش رکھتا ہے، اور مکمل آپریشنل حالت میں روزانہ تقریباً 265 پروازوں کو سنبھال سکتا ہے۔ یہ دنیا کے سب سے بڑے طیاروں کی لینڈنگ کی صلاحیت بھی رکھتا ہے

انہوں نے زور دیا کہ کربلا انٹرنیشنل ایئرپورٹ عراق کا سب سے وسیع اور جدید ایئرپورٹ ہوگا، جسے ہر ممکنہ ضرورت اور ہنگامی صورتِ حال کے لیے تیار کیا جا رہا ہے

اپنی گفتگو کے اختتام پر العبایجی نے بتایا کہ ایئرپورٹ میں زائرین کے لیے دو بڑے پارکنگ ایریاز بھی موجود ہیں، جن میں سے بڑا پارکنگ ایریا تقریباً 1450 گاڑیوں کی گنجائش رکھتا ہے۔ یہ پارکنگ ایریاز تمام ضروری سہولیات سے آراستہ ہیں اور ان کی سایہ دار چھتوں کو نہایت دلکش انداز میں ڈیزائن کیا گیا ہے