کربلا میں قائم ’’مجمعُ الفقراء‘‘ رہائشی منصوبے کے بارے میں تفصیل سے جانیے۔پاکستان: امام حسینؑ ثقافتی سنٹر اسلام آباد میں مختلف جامعات کے اساتذہ نے دورہ کیا۔
مختلف پاکستانی جامعات کے اساتذہ نے امام حسینؑ ثقافتی سنٹر اسلام آباد کا دورہ کیا
پاکستان کے مختلف جامعات کے اساتذہ نے امام حسینؑ ثقافتی سنٹر اسلام آباد کا دورہ کیا۔ اس دورے کا مقصد تعلیمی اور ثقافتی اداروں کے درمیان باہمی روابط اور فکری تعاون کو فروغ دینا تھا۔
دورے کے دوران مہمان اساتذہ کو سنٹر کی مختلف ثقافتی اور سماجی سرگرمیوں سے آگاہ کیا گیا۔ مہمانوں میں آیرڈ ایگریکلچر یونیورسٹی راولپنڈی اور یونیورسٹی آف بلتستان کے اساتذہ کے علاوہ امریکہ کی یونیورسٹی آف مشی گن کے پی ایچ ڈی سکالر جناب حشر نثار صاحب بھی شامل تھے۔
مہمان اساتذہ نے حرمِ امام حسین علیہ السلام کی جانب سے امام حسینؑ ثقافتی سنٹرآباد کے قیام کو پاکستانی عوام اور تعلیمی اداروں کے لیے ایک عظیم تحفہ قرار دیا۔ انہوں نے مرکز کی علمی و ثقافتی خدمات اور بین المذاہب و بین المسالک ہم آہنگی کے فروغ کے لیے کی جانے والی کاوشوں کو سراہا۔
منسلکات
تازہ ترین
