نشتر میڈیکل یونیورسٹی میں امامیہ اسٹوڈنٹس آرگنائزیشن کے زیرانتظام سالانہ 53 واں امام حسین کانفرنس کا انعقاد کیا گیا

کربلا ٹوڈے: ملتان میں یوم حسین کانفرنس سے خطاب کرتے ہوئے حجتہ السلام والمسلمین علامہ سید شہنشاہ حسین نقوی نے قیام امام حسین علیہ السلام پر روشنی ڈالتے ہوئے کہا کہ اگر امام حسین علیہ السلام قیام نہ فرماتے تو اسلام کی اجتماعی شکل مسخ ہو جاتی، امام حسین علیہ السلام کے اہلبیت و انصار کی شہادت نے اسلام کو ایک نئی زندگی بخشی، آج کی غزہ کربلا سے مماثلت رکھتی ہے جس میں تمام اسلامی ممالک سوائے ایک دو کے اپنی ذمہ داری ادا کرنے میں ناکام رہے ہیں۔

 کانفرنس سے خطاب کرتے ہوئے وائس چانسلر پروفیسر ڈاکٹر مہناز خاکوانی کا کہنا تھا کہ کربلا ہمیں حریت و مقاومت کا درس دیتی ہے، کربلا ہمیں یہ پیغام دیتا ہے کہ حالات ہم پر جتنے بھی دشوار ہوجائیں ہمیں تب بھی ظلم کے خلاف اپنی آواز بلند کرنی ہے، غزہ کے موجودہ حالات اور ان کی مزاحمت امام حسین کے کربلا کے درس کے بغیر ممکن نہ تھی، آج مسلمانوں کو چاہیے کہ غزہ کے معاملے میں حسینی کردار ادا کریں اور ان کی ہر ممکنہ مدد کریں، کانفرنس میں نشتر یونیورسٹی کے طلبہ و طالبات کی کثیر تعداد نے شرکت کی طلبا و طالبات نے منقبت، قصیدہ اور مرثیہ بھی پیش کیا