حرم امام حسین علیہ السلام کی انتظامیہ نے رکضۃ طویریج اور مرکزی جلوسِ عزا کے گزرنے کے لیے صحنِ حسینی میں سرخ عاشورائی فرشِ عزا (کارپٹ) بچھا دیا ہے

یہ انتظامات ہر سال ماہِ محرم الحرام کے عشرۂ اولیٰ میں امام حسین علیہ السلام، ان کے اہل بیتؑ اور جانثار اصحاب کی عظیم قربانی کی یاد میں منائے جانے والے دائمی مراسمِ عاشورہ کی پیشگی تیاریوں کا حصہ ہوتے ہیں۔

صحنِ حسینی میں فرشِ عزا بچھانے کا یہ عمل حرم کے خادمین اور رضاکاروں کی جانب سے نہایت پُرسوز، خضوع و خشوع اور غم و اندوہ کی فضا میں انجام دیا جا رہا ہے، کیونکہ ماہِ احزانِ محمدی قریب آ چکا ہے۔

کربلا اور حرمِ حسینی کو اس مناسبت سے سیاہ چادروں اور بینروں سے آراستہ کیا جا رہا ہے، اور عراق سمیت دنیا بھر سے آنے والے لاکھوں زائرین اور ماتمی دستوں کے استقبال کی بھرپور تیاری کی جا رہی ہے۔

حرمِ مطہر کی انتظامیہ کا کہنا ہے کہ تمام خدام کو مکمل طور پر متحرک اور مستعد کر دیا گیا ہے، تاکہ اس عظیم سوگوار موقع پر ایک ایسا ماحول فراہم کیا جا سکے جو سید الشہداء علیہ السلام کے رفیع مقام اور ان کے باعزت زائرین کے شایانِ شان ہو، اور زائرین اس پر سوز فضا میں اپنی عبادات اور عزاداری کا سلسلہ پوری روحانیت اور وقار کے ساتھ جاری رکھ سکیں