روضۂ مبارک حضرت امام حسینؑ کے شعبۂ صحت نے شہداء، زخمیوں اور مستحق خاندانوں کے لیے طبی نگہداشت کا فریضہ سرانجام دیتے ہوئے فروری کے دوران 250 سے زائد مریضوں کا معائنہ اور علاج مکمل کیا، جس کے تمام اخراجات حرم کی جانب سے برداشت کیے گئے

شعبۂ رعاية ذوی الشهداء والجرحى کے میڈیا انچارج عماد الجشعمی کے مطابق، مرجعیتِ اعلیٰ کے نمائندے شیخ عبد المہدی کربلائی کی خصوصی ہدایات پر، حرم امام حسینؑ نے ایک فلاحی پروگرام کے تحت عراق کے مختلف صوبوں سے آنے والے مریضوں کو روزانہ کی بنیاد پر معیاری طبی سہولیات فراہم کیں۔

انہوں نے بتایا کہ فروری کے مہینے میں 250 سے زائد مستحق افراد کا اندراج کیا گیا، جنہیں مکمل معائنے اور ضروری علاج کے بعد طبی سہولیات مہیا کی گئیں۔ الحمدللہ، تمام مریض صحت یاب ہو کر ہسپتالوں سے رخصت ہوئے۔

یہ قابلِ ذکر بات ہے کہ شعبۂ صحت روزانہ کئی مستحق مریضوں کا اندراج کرتا ہے، جن میں شہداء اور زخمیوں کے اہلِ خانہ کے علاوہ دیگر ضرورت مند افراد بھی شامل ہوتے ہیں۔ ہر مریض کی ضرورت کے مطابق انہیں روضۂ مبارک کے طبی مراکز میں منتقل کیا جاتا ہے، جہاں مکمل طریقۂ کار کے تحت ان کا علاج کیا جاتا ہے تاکہ انہیں بہترین سہولیات فراہم کی جا سکیں۔